Welkom by Hoërskool Brandwag se webblad. Ons nooi u uit om meer oor ons skool te ontdek en deel te word van ’n trotse tradisie van menswees, prestasie en groei.

Dit is vir my ’n voorreg om u te verwelkom waar Christusgedrewendheid, hardwerkendheid, respek en eerlikheid die kern van alles is wat ons doen. Ons streef daarna om ’n omgewing te skep waar elke leerder die geleentheid kry om sy of haar volle potensiaal te bereik.

By Brandwag glo ons dat onderwys veral gaan oor kennis, maar ook oor die vorming van karakter. Ons moedig ons leerders aan om verantwoordelike, selfstandige en waardegedrewe jongmense te word.

Ons toegewyde personeel werk hard om kwaliteit onderrig te verseker. Samewerking tussen ouers, onderwysers en leerders is vir ons van groot belang. Die drie groepe vorm saam ons Brandwag-familie.

Vriendelike groete

​

Me. C. Avenant