WAGGIE DAG

Waggie dag: 30 November 2018

Eden-Lee Morgan.

‘n Dag van pret, mense ontmoet en nuwe vriendskappe vorm… Ek is seker al die “amper waggies” het nou baie om hieroor te sê.

Vrydag het die matriek VLR vir 2019 die jong waggies verwelkom, gevolg deur Mnr. J. Wright se hartlike goeiemore en ‘n agenda vir die dag. Daarna was hulle reg om die dag met al sy aktiwiteite aan te pak!
Van emmers vol water oor mekaar se koppe uit gooi tot hardloop-resies met “flippers”. En wie sou kon dink dat dit so moeilik kan wees om ballonne tussen mekaar te bars. Die lekker saam-eet-sessie het hegte vriendskappe gesmee vir 2019.
Ek glo as jy enigeen van hierdie graad 7’s sou vra oor hulle ervaring sal hulle dit as een van die jaar se hoogtepunte beskou.

 

Fred Terblanche waggie 2019.

Bietjie senuweeagtig maar tog opgewonde daag ek en ‘n paar van my laerskool maats by die Waggie-dag vir die 2019 Graad 8’s op. Ons word vriendelik ontvang deur ‘n VRL-lid en voel sommer dadelik baie welkom.  Met lekker ysbrekersessies word daar sommer gou-gou ‘n samehorigheidsgevoel onder al die nuwe Graad 8’s geskep wat die interlaerskool-mentaliteit laat verdwyn.

Ons word ook voorgestel aan ‘n paar onderwysers en Mnr. Wright vertel ons meer van Hoërskool Brandwag.  Iets wat Mnr. Wright sê steek dadelik vas in my hart, nl.: ”Om ‘n Waggie te wees, is om trots te wees op jou skool en uit te kyk vir jou maats.”

Na ‘n dag vol lekker aktiwiteite word die dag afgesluit in die kaffetria met ‘n vreeslike lang “footlong” en ‘n yskoue Twizza.

Hierdie besondere dag het verseker enige twyfel of H/Brandwag die regte keuse was, uit die weg geruim. Ek is seker ek praat namens elke voornemede Waggie wat daar was, dat die saadjie van trots in elkeen van ons geplant is.

‘n Trotse Amper-Waggie

 

 

Marisa Roodt (Waggie redaksie),

haar ondervinding as Amper-Waggie en dan wag ek net vir Eden-Lee se redaksie gedeelte as ondervinding van VLR.