SKAAK

Skaak by Hs Brandwag word jaarliks groter, beter en sterker. Nie net omdat skaak voordelig is vir verbale, analitiese, numeriese en probleemoplossings-vaardighede nie, maar omdat dit lekker is.

By Brandwag het die skaakspanne die afgelope 4 jaar groot hoogtepunte bereik.  Ons o/18 span is die afgelope 3 jaar die liga wenners aangewys en was in 2016  Distrikswenners en 2017 het ons ‘n tweede plek behaal in die distrik.  Die posisies het ons laat deurgedring na die Gauteng Top Skole toernooi. 

Vanjaar, 2018, is die o/15 span ook distrikswenners en ons neem op 25 Augustus deel aan die Gauteng Top Skole toernooi.

Ons is bevoorreg om ons eie skaaklokaal te hê waar daar hard gekonsentreer kan word.  Daar word ook professionele afrigting aan die kinders gegee.